धादिङ । धादिङको गजुरी १ निवासी डरमाटोसाइटिस रोगका कारण विगत ३ वर्ष देखि उपचार गराई रहेकी २८ वर्षिय पल्लवी पण्डितलाई आर्थिक सहयोग प्राप्त भएको छ ।

नेपाली कांग्रेश धादिङ क्षेत्र नम्बर १ को प्रदेश सभा २ का प्रदेश सचिव टीका भुजेलको पहल र विभिन्न व्यक्तिहरुको सहयोगमा रु.५१ हजार २४ रुपैयाँ रकम पल्लवी पण्डितलाई प्रदान गरिएको सचिव टीका भुजेलले जानकारी दिनु भएको छ।

डरमाटोसाइटिस रोगले पिडित पल्लवी पण्डित नेपाली काङ्ग्रेस धादिङ क्षेत्र नं.१ की पुर्व कार्यालय सचिव समेत रहेकी थिइन्। पल्लवी पण्डितको सहयोगार्थ खोलिएको खातामा विभिन्न व्यक्तिबाट प्राप्त रकम आज शनिबार उनलाई प्रदान गरिएको हो ।

नेपाली काङ्ग्रेसका नेता बद्री अर्याल, सुर्यनारायण अधिकारी र धादिङ काठमाडौं ट्याक्सी सेवा समितिका बाबुकाजि श्रेष्ठको उपस्थितिमा उक्त रकम प्रदान गरिएको सचिव भुजेलले बताउनु भयो।