धादिङ/असोज ०१ गते
धादिङको सिद्धलेक गाउँपालिका वडा नं. ६ कुम्पुरभञ्ज्या नजिकको सिम्लेमा एक वृद्धा मृत भेटिएकी छिन् । स्थानीय ८५ बर्षिया सुन्तली घलेलाई गत राती १२ बजेको समाय घर नजिकै मृत अवस्थामा भेटिएको जिल्ला प्रहरी कार्यालय धादिङका प्रहरी निरीक्षक एवम् सूचना अधिकारी प्रल्हाद सिलवालले जानकारी दिनुुभयो ।
मृतकको शरिरमा चोट पटक लागेकाले हत्या भएको आशंका गरिएको र घटनाको अनुसन्धान भईरहेकोले सबै खुलाउन नमिल्ने सिलवालले बताउनभयो । शङ्कास्पद एक जनालाई प्रहरीले नीलकण्ठ नगरपालिका–८ ससाह नजिकैबाट नियन्त्रणमा पनि लिएको छ । घटनाबारे थप अनुसन्धान भइरहेको र शव पोष्टमार्टमका लागि काठमाडौँ स्थित त्रिभुवन विश्वविद्यालय शिक्षण अस्पताल (टिचिङ) महाराजगंज पठाइएको प्रहरी निरीक्षक सिलवालले बताउनुभयो ।