धादिङ/गजुरी
धादिङको गजुरी गाउँपालिका-५ साविक पिण्डा गाविसमा पर्ने गजुरी पिण्डा माद्यामिक विद्यालयमा रोहित भण्डारी द्वारा बुबाको नाममा एक लाखको अक्षयकोष स्थापना गरेका छन् ।

१९८२ सालमा भाषा पाठशालाको रूपमा स्थापित धादिङ जिल्लाकै पुरानो विद्यालय गजुरी पिण्डा माद्यामिक विद्यालयका व्यवस्थापन समितिका पूर्व अध्यक्ष स्वर्गीय उन बहादुर भण्डारीको नाममा उनका छाेरा राेहित भण्डारीले एक लाखको अक्षयकोष स्थापना गरेका हुन्।

पूर्व अध्यक्ष स्वर्गीय उन बहादुर भण्डारीको २०६९ पुस १० गते निधन भएको थियोे। कोषबाट आएको व्याजबाट निधन भएको मिति पुस १० गते गरिव तथा जेहेन्दार विद्यार्थीलाई छात्रवृत्ति वितरण गर्ने राेहित भण्डारीले बताएका छन्। यस भन्दा अघि पनि धादिङ पाेखरा सम्पर्क समाजले गजुरी पिण्डा माविका गरिब तथा जेहेन्दार विद्यार्थीहरुको लागि भनेर १लाख ८८ हजारको छात्रवृत्ति स्थापना गरिएको थियोे। अहिले उक्त अक्षयकोष २ लाख २४ हजार भएको विद्यालयका प्रधानाध्यापक रामकुमार श्रेष्ठले बताएका छन्।