धादिङ
नेपाली काङ्ग्रेस धादिङका युवा नेता राधे भण्डारीद्वारा केन्द्रीय महाधिवेशन प्रतिनिधीको उम्मेदवारी घोषणा गरेका छन्।
नेपाली काङ्ग्रेसको १४ औँ महाधिवेशनअन्तर्गत आगामी मंसीर ६ गते हुन लागेको क्षेत्रीय अधिवेशनमा नेपाली काँग्रेस धादिङ क्षेत्र नं १ को केन्द्रिय महाधिवेशन प्रतिनिधी गल्छी गाँउपालिका निवासी राधे भण्डारीले उम्मेद्वारी दिने घोषणा गरेका छन्।

लामो समय देखि नेपाली कांग्रेसको सक्रिय राजनीतिमा रहेका भण्डारी नेपाली काङ्ग्रेसको भातृ संगठन नेपाल तरुणदलका जिल्ला उपाध्यक्षमा पनि हुन्।भण्डारी निडर र तार्किक कुरा गर्न सक्ने नेता हुन्। पछिल्लो समय जिल्लाका युवा बर्ग सङ्गै पाटिको लोकप्रीय नेतामा भण्डारी परेका छन्। पाटिको राजनीति सङ्गै समाजसेवा पनि गर्दै आएका राधे भण्डारीले बाल गृहका बालबालिकालाई सहयोग,अशक्त बृद्धबृद्धाहरुलाई सहयोग गर्दै आएका छन् ।

हाल भण्डारी पार्टीको निति, अनुसन्धान तथा प्रशिक्षण प्रतिष्ठानको विज्ञ सदस्य पनि हुन्। राजनीतिसँगै समाजसेवामा पनि उत्तिकै सक्रिय भण्डारीलाई धादिङमा मानवअधिकार तथा समाजसेवाको क्षेत्रका अग्रणीको रूपमा लिइन्छ ।नेपाल तरुणदलका उपाध्यक्ष सहित राधे भण्डारी अन्य थुप्रै सामाजिक संघ संस्थाहरूमा पनि आबद्ध छन्।युवा नेता भण्डारीको उम्मेदवारी घाेषणाले जिल्लाका युवा बर्गमा खुसियाली र रौनक छाएको जिल्ला तरुण दल धादिङका सदस्य अजय भण्डारीले बताए ।