जिल्ला फुटबल संघ (एन्फा) धादिङको अध्यक्षमा पुनः दिपक खतिवडा निर्वाचित भएका छन् । नयाँ कार्यसमितिका लागि आइतबार भएको निर्वाचनमा अध्यक्षका प्रत्यासी दिवस सागर श्रेष्ठ र दिनेश रुपाखेतीलाई पछि पार्दै खतिवडा पुनः अध्यक्षमा निर्वाचित भएका हुन् । खतिवडाको अध्यक्षतामा १४ सदस्यीय कार्यसमिति चयन गरेको छ।

समितिको उपाध्यक्षमा सुरेश तामाङ, मनराज गोदार, राजन भण्डारी, महासचिवमा रामहरि थापा र कोषाध्यक्षमा राजेन्द्र सुवेदी चयन भएका छन् । कार्यसमिति सदस्यहरुमा दिनेश आचार्य, उत्तमप्रसाद सुवेदी, धुव्र थापा, प्रकाशकुमार खरेल, गोविन्द्र श्रेष्ठ, पूर्णबहादुर गुरुङ, रमेश अधिकारी, गणेशमान श्रेष्ठ निर्वाचित भएका छन् ।