धादिङ । २१ चैत
वर्तमान सरकार दक्षिणपन्थि अवसरवादीहरुको अपवित्र गठबन्धनबाट बनेकोले धेरैसमय नटिक्ने नेकपा एमालेका सचिव गोकर्ण विष्टले बताउनुभएको छ ।
नेकपा (एमाले) ले संचालन गरेको मिसन ग्रासरुट अभियानमा मंगलबार बेनिघाटरोराङ गाउँपालिकामा एमाले केन्द्रिय सचिव विष्टले कार्यकर्ताहरुलाई प्रशिक्षण दिँदै यस्तो बताउनुभएको हो ।
दक्षिणपन्थी अबसरबादीहरुले चलाएको सरकार ढलेर एमालेले छिट्टै देशको नेतृत्व गर्ने विष्टले ठोकुवा गर्नुभयो। अहिलेको समसामयिक राजनीति र एमालेको कार्यनीति बारेमा कार्यकर्ताहरुलाई प्रशिषण दिनु भएको थियो ।
नेकपा (एमाले) ले गरिब जनताको आशु पुछ्ने दिन फेरी छिट्टै आउने भएकाले धैर्य गर्न समेत आम जनतालाई आब्हान गर्नुभयो ।
प्रशिक्षण कार्यक्रममा नेकपा(एमाले) केन्द्रिय सदस्य विन्दा ढुंगाना, बागमति प्रदेश कमिटी अध्यक्ष केशव पाण्डे , जिल्ला कमिटी अध्यक्ष भुमि त्रिपाठीले प्रशिक्षण दिनु भएको थियो ।