गजुरी/धादिङ
नेकपा एमाले गजुरी गाउँपालिका वडा नं.५को वडा स्तरीय भेला बिहिवार सम्पन्न भएको छ।नेकपा एमाले गजुरी गाउँ संगठन कमिटीको ८ वटै वडामा भेला गरि संगठन निमार्ण गर्ने कार्ययोजना अनुसार आज तेस्रो दिन वडा नं.५ को भेला भव्य उपस्थितिमा सम्पन्न भएको छ।भेलाबाट राजेन्द्र सुबेदि अध्यक्ष रहने गरि ४४ सदस्यीय वडा कमिटी गठन भएको छ।सङ्गै भातृ संगठन अन्तर्गत भुपेन्द्र सिजालि मगरको संयोजकत्वमा ३४ सदस्यीय युवा संघ नेपाल,कमला पुलामिको संयोजकत्वमा २२सदस्यीय अखिल नेपाल महिला संघ,हरि बहादुर दुरालिको संयोजकत्वमा २९सदस्यीय अखिल नेपाल किसान संघ गठन भएको छ। नेकपा एमाले जिल्ला कमिटी अध्यक्ष एवम् संघिय सांसद भुमि प्रसाद त्रिपाठिको प्रमुख अातिथ्यतामा भएको कार्यक्रममा जिल्ला कमिटी सदस्य एवम् गजुरी गाउँपालिका इन्चार्ज राजेन्द्र बिक्रम बस्नेत,गाउँ संगठन कमिटी अध्यक्ष माधव भण्डारी,वडा नं.५ को वडा अध्यक्ष एवम् एमाले नेता रामचन्द्र मिजार,निर्पेश न्यौपाने बसन्त दुवाडि,अखिल नेपाल महिला संघ गजुरी गाउँपालिका संयोजक कोपिला सिल्वाल,जानुका अर्याल,युवा संघप्रतिनिधि,अनेरास्ववियु प्रतिनिधि,अखिल नेपाल किसान संघ प्रतिनिधि लगाएतको अातिथ्यता रहेको थियोे ।