धादिङ जिल्लाको गजुरी गाउँपालिका वडा नं.५ घाटबेशि निवासी समाजसेवी नवराज न्यौपानेले ओईले आधारभूत विद्यालयका २० जना विद्यार्थीहरूलाई न्यानो कपडा वितरण गरेका छन्।

सोमबार गजुरी गाउँपालिका वडा नं.५ स्थित चिसोखोलामा रहेको श्री ओईले आधारभूत विद्यालयका २० जना विद्यार्थीहरूलाई ज्याकेट,ट्टाउजर,जुत्ता,मोजा सहयोग गरेको हो।बढ्दै गएको चिसो मौसमका कारण कुनै पनि बालबालिका आर्थिक अवस्था कमजोर भएकै कारणले न्यानो कपडा लगाउन बाट बच्चित हुन नपराेस् भन्ने हेतुका साथ न्यानो कपडा बितरण गरेको नवराज न्यौपानेले बताउनुभयो।

न्यानो कपडा बितरण कार्यक्रममा गजुरी गाउँपालिका अध्यक्ष राजेन्द्र बिक्रम बस्नेत,गाउँ शिक्षा समिति सदस्य वसन्त दुवाडि,वडा सदस्य रामशरण लामिछाने लगायतको आतिथ्यता रहेको थियोे।

विषम परिस्थितिको बाबजुत पनि बिद्यालयका बिद्यार्थीहरुलाई सहयोग गरेकोमा स-धन्यवाद दिदै बिद्यालयको तर्फबाट न्यौपानेलाई सम्मान परेको बिद्यालय व्यवस्थापन समिति अध्यक्ष कुमार भण्डारीले बताए।नवराज न्यौपानेले नेकपा एमाले गजुरी गाउँपालिकाका संस्थापक नेता पनि हुन्।