काठमाडौ,मङ्सिर ५
अखिल क्रान्तिकारी आर.आर.क्याम्पस कमिटीले बढ्दो मूल्य वृद्धि विरुद्ध साङ्केतिक विरोधसभामा गरेको छ।आईतबार आर.आर क्याम्पस अगाडि सडकमानै दाउरामा खाना र गुन्द्रुक पकाएर जनतालाई चौतर्फी मूल्य वृद्धिका कारण चुलो बाल्न अप्ठ्यारो भएको सन्देश दिदै दैनिक उपभोग्य बस्तु जनताको पहुँच भन्दा बाहिर गएको देखाउन खोजिएको क्याम्पस कमिटी अध्यक्ष शिशिर बश्यालले बताए । अखिल(क्रान्तिकारी)गोकर्णेस्वर नगर अध्यक्ष प्रतिक कार्कीले भने सरकार हामी सङ्ग ग्यास किन्ने पैसा भएन अब हामी यहि दाउरामा खाना पकाएर खान बाध्य भयौं ।

हिजो राजनैतिक प्रतिगमन विरुद्ध हामीलाई सडकमा उतार्ने नेताहरु आज सत्तामा छन। तर आज जनताको पेटमा प्रतिगमन हुन थालेको छ। हामी हाम्रो नेताहरुलाई सजक गराउन चाहन्छौ। र यो अवस्था नसुध्रीय हामी आफ्नै नेता विरुद्ध पनि सङ्घषमा उत्रिने बताए। क्याम्पस कमिटी अध्यक्ष शिशिर बश्यालले भने हामी आफ्नो सरकार हुदा जे गलत भए पनि ताली बजाउने विध्यार्थी संगठन होइनौ, सम्पुर्ण गरिब जनताको सारथि र विध्यार्थीहरुको केन्द्र अखिल क्रान्तिकारी हौ।साथै सम्पुर्ण उपभोग तथा अत्याआवश्यक वस्तुमा विधार्थी लाई सहजता दिने गरी सरकारले Minimum Support Program for Student (MSPS) को विशेष व्यवस्था गर्न पर्ने माग पनि अध्यक्ष बश्यालले राखेका छन।

क्याम्पस कमिटी सचिब सुरेन्द्र बहादुर शाहीले सञ्चालन गरेको कार्यक्रममा क्याम्पस कमिटी अध्यक्ष शिशिर बश्याल,इकाइ कमिटी इन्चार्ज मिनराज पाण्डे ‌,आर.आर इकाइ निवर्तमान अध्यक्ष देवेन्द्र राज शर्मा अखिल(क्रान्तिकारी)गोकर्णेस्वर नगर अध्यक्ष प्रतिक कार्की लगाएतका बिद्यार्थी नेताले सम्बाेधन गरेका थिय।