राप्रपाको महामन्त्रीमा उम्मेदवारी दिदै नायिका रेखा थापा। कलाकारितासँगै राजनीतिमा पनि सक्रिय नायिका रेखा थापा राष्ट्रिय प्रजातन्त्र पार्टीको एकता महाधिवेशनमा महामन्त्रीमा उठ्दैछिन् ।बुधबारदेखि काठमाडौंमा भइरहेको महाधिवेशनमा उनले नयाँ नेतृत्वका लागि महामन्त्रीमा उम्मेदवारी दिने तयारी गरेकी हुन् । उम्मेदवारी दर्ताको कार्यक्रम भने बिहीबार हुनेछ ।नायिका थापा भने पूर्वमहामन्त्री तथा सांसद राजेन्द्र लिङ्देलको प्यानलबाट महामन्त्रीमा उम्मेदवारी दिने भएकी हुन् । लिङ्देलले पनि अध्यक्षमा उम्मेदवारी दिने घोषणा गरिसकेका छन् ।