बागमती प्रदेशका मुख्यमन्त्री राजेन्द्रप्रसाद पाण्डेले गजुरी गाउँपालिका वडा नं.२ को वडा कार्यालय भवनको सोमबार उद्घाटन गरेका छन् । वडा अध्यक्ष चुडामणि कँडेलको अध्यक्षतामा भएको उद्घाटन कार्यक्रममा गाउँपालिकाका अध्यक्ष राजेन्द्रबिक्रम बस्नेत, उपाध्यक्ष सीता ढुंगाना, प्रमुख प्रशासकीय अधिकृत राजन घिमिरे लगायत दलका नेताहरू सहभागी थिए । भवन निर्माणपछि दैनिक कार्यसम्पादनमा सहज हुने वडा अध्यक्ष चुडामणि कँडेलले बताए ।

भवन उद्घाटन कार्यक्रममा सम्बोधनको क्रममा मुख्यमन्त्री पाण्डेले गाउँको विकास निर्माण र जनताको घरदैलोमा बसेर नियमित काम गर्न निर्देशन दिएका छन् । वडा कार्यालय निर्माणका लागी स्थानिय सुजन कँडेललले १ रोपनी जग्गा दान गरेका थिए ।