चितवन । कालिका नगरपालिका वडा न ३ मा रहेको “आयाम युवा समाज” संस्थाले प्रथम कालिका कप खुल्ला नकआउट फुटबल प्रतियोगिता २०७९ आयोजना गर्ने भएको छ ।
प्रथम पुरस्कार २ लाख १० हजार र द्वितीय पुरस्कार १ लाख ५ हजार रहेको उक्त प्रतियोगिता थारु समुदायको जितिया पर्वको अवसरमा २०७९ असोज २ गते देखी कालिका ३ को खेलमैदानमा दिउँसो २ बजे देखी सुरु हुने संस्थाका उपाध्यक्ष नगेन्द्र गिरिले जानकारी दिए।
उत्कृष्ट खेलाडी , गोल रक्षक र सर्बाधिक गोलकर्तालाई समेत नगद पुरस्कार दिने उपाध्यक्ष गिरिले जानकारी दिए।
उक्त फुटबल प्रतियोगिताको लागि टिम दर्ता शुल्क रु ८०००/- लाग्ने छ भने टिम दर्ता गर्ने अन्तिम मिति भने २०७९ भदौ २८ गते रहेको छ ।