 सीताराम अधिकारी–
उत्तरी धादिङको तत्कालिन सेर्तुङ गाविसको बोराङ (हाल रुबीभ्याली गाउँपालिका वडा नम्बर ४) मा दर्जङ तामाङ र आमा उर्पामायाँ तामाङका कान्छो सन्तानको रुपमा जन्मनुभएका ४६ वर्षीय डम्बर तामाङ यतिखेर मतदाताहरुसंग गाउँको विकास गाउँकै मान्छेको अगुवाइमा भनेर गाउँ हिड्नु भएको छ।
राष्ट्रिय प्रजातन्त्र पार्टी (राप्रपा) का केन्द्रीय सदस्य डम्बर तामाङ धादिङ क्षेत्र नम्बर २ (२) बाट प्रदेशससभा सदस्यका उम्मेदवार हुनुहुनछ ।
राप्रपा गठन भएपछि राप्रपाका केन्द्रीय प्रभावशाली नेता बुद्धिमान तामाङको सहयोगि, ०६९ मा राप्रपाको जिल्ला समिति सदस्य हुँदै डम्बर तामाङ राप्रपाको केन्द्रीय नेतृत्वमा पुग्नु भएको हो ।
यसअघि २०७४ को प्रदेशसभा सदस्यका प्रत्यासी हुनु भएका तामाङ १५ हजार ७ सय ७५ मत ल्याएर झिनो मतले पराजित हुनुभएको थियो । बैदेशिक बसाइबाट गाउँमै आएर सामाजिक तथा आर्थिक विकासका लागि क्रियाशिल हुनुभएको थियो ।
यतिखेरनेकपा एमालेसंगको तालमेलमा प्रदेशसभामा एमालेले समेत राप्रपालाई मत दिने राप्रपाले यस प्रदेश बाहेक प्रतिनिधि सभा र अन्य प्रदेशसभामा समेत एमालेलाई सघाउने सहमति अनुसार बलियो उम्मेदवारको रुपमा प्रस्तुत हुनुभएको छ।
धेरैले जनतालाई विकासको सपना देखाएर अहिलेसम्म योजनावद्ध काम गर्न नसकेकोको अवस्थामा विकट उत्तरी धादिङको लापा र तिप्लिङसम्म पक्की रोड ल्याउने उहाँको प्रतिवद्धता छ । गाउँमा ल्याइने सडकबाट सामान गाउँमा मात्र ल्याउनेनभइ गाउँमा उत्पादन बढाएर बाहिर पठाउनेसमेत योजना ल्उने योजना लिएर गाउँगाउँ मतदाताको घरमा पुग्नु भएका तामाङविकास, रोजगार, शिक्षापर्यटनको विकासमा काम गर्ने लक्ष्य लिएका छन् । एक पालिका एक प्राविधिक शिक्षालय, शिक्षकको विषयत दरबन्दी, स्वास्थ्य क्षेत्रका विकासर ग्रामीण अस्पतालको विकास गर्ने योजना तामाङसंग छ । उत्तरीका क्षेत्रमा आफु, जौ, कोदो, जडिबुटी खेती गरेर उत्पादन र आर्थिक विकासका एकिकृति कार्यक्रम ल्याइने उहाँको भनाइ छ ।
नेपालकौ गौरबकोरुपमा रहेको जस्ताखानी रुबीभ्यालीमा रहेकोलेयसको संचालन गरिरोजगारी सिर्जना गराउने महत्वकांक्षी योजना समेत तामाङसंग छ ।
राष्ट्रिय गौरबको बुढी गण्डकी जलविद्युत परियोजना, मध्यपहाडी पुष्पलाल राजमार्ग, सडक पुल, रुबीभ्याली एकिकृत विकासकार्यक्रम, गणेशहिमाल राष्ट्रिय निकुञ्ज, गरीवि निवारणका कार्यक्रम, सामाजिक सुरक्षाका कार्यक्रम, भूमि व्यवस्थापनका कार्यक्रम, एक घर एक धारा, पर्यटकीय क्षेत्रहरुको प्रवद्र्धन र विकास, सामाजिक र आर्थिक विकासमा विशेष टेवा, कृषिलाई आधुनिकिीकरण र व्यवसायिकीकरण जस्ता योजनाहरु सहितको प्रतिवद्धता पत्र समेत सार्वजनिक गरि सर्वसाधारणसामु पुग्नु भएका राप्रपाका उम्मेदवार डम्बर तामाङ धादिङ क्षेत्र नम्बर २ (२) मा राप्रपाको उम्मेदवार हुनुभएकोलेजियी गराउन आग्रह गर्नुभएको छ ।
–––