धादिङ/

प्रतिनिधि सभा सदस्यका लागि धादिङ क्षेत्र नं २ बाट स्वतन्त्र उम्मेदवारी दिनुभएका टिकानिधि काप्रीले जनता नै आफ्नो आधार भएकाले जनताले साथ दिने बताउनु भएको छ ।
नेपाली कांग्रेसबाट विद्रोह गरेर स्वतन्त्र उम्मेदवारी दिनुभएका काप्रीले मंगलबार पत्रकार सम्मेलन यस्तो बताउनु भएको हो
ठुला दलहरुले बाटो बिराएकाले दलहरुको अवस्थाको विरुद्ध उम्मेदवारी दिएकाले आफुलाई जनताले साथ दिने विश्वास व्यक्त गर्नुभएको छ ।
नेपाली काँग्रेसले आफूलाई कारबाही गरेर पूर्णस्वतन्त्र भएको बताउँदै काप्रीले आफुप्रचार प्रसारमा लागि रहेको र उम्मेदवारी कायम रहेको उहाँको भनाइ छ।
ठुला दलका नेताहरुले निर्वाचन जितेर पटक पटक अवसर पाएतापनि जिल्लाको विकास निर्माणका काम, शुसासन कायम गर्न नसकेको पनि काप्रीले बताउनुभएको छ । त्यस्तै उहाँले ठुला दलहरुप्रति जनताको सहानुभुति नरहेको पनि आफू जनताकोउम्मेदवार भएकोले जित सुनिश्चित भएको बताउनुभयो।
स्वतन्त्र उम्मेदवार काप्रीको पक्षमा राष्ट्रिय नागरिक पार्टीका केन्द्रीय सदस्य बलबहादुर इटनीले बक्तव्य दिनुभएको छ । हामी नेपाली हाम्रो नेपाल नामक स्वतन्त्र र शुशासनको अभियान चलाउनु भएका दशरथ भण्डारी, दिपेन्द्र राज शर्माले समेत टिकानिधि काप्रीलाई जिताउन लागि परेको बताउनुभयो ।