काठमाडौं – नेपाल कम्युनिष्ट पार्टी एकीकृत समाजवादीले कार्यबाहक अध्यक्षको जिम्मेवारी उपाध्यक्ष राजेन्द्रप्रसाद पाण्डेलाई दिएको छ ।

अध्यक्ष माधवकुमार नेपाल राजनितीक भ्रमणका लागी आज श्रीलंका प्रस्थान गरेका छन् । सोही कारण उपाध्यक्ष पाण्डेलाई कार्यबाहक अध्यक्षको जिम्मेवारी दिईएको पाण्डेका प्रेस संयोजक विवेक अर्यालले जानकारी दिए ।पाण्डे धादिङ क्षेत्र नं.१ बाट निर्बाचित प्रतिनिधि सभा सदस्य पनि हुन्।

अर्यालका अनुसार अध्यक्ष नेपाल श्रीलंकन कम्युनिष्ट पार्टी स्थापनाको ८० वर्ष पुरा भएको सन्दर्भमा आयोजित् कार्यक्रम र दक्षिण एसियाली कम्युनिष्ट तथा बामपन्थी पार्टीहरुको बैठक र कन्फ्रेन्समा सहभागी हुन श्रीलंका गएका हुन् ।