क्योटो, जापान – जापानको क्योटोमा सक्रिय नेपालीहरूद्वारा स्थापित ‘क्योटो नेपाली कम्युनिटी’को प्रथम अधिवेशन भव्य रूपमा सम्पन्न भएको छ। अधिवेशनले संस्था २०२५–२०२७ कार्यकालका लागि नयाँ कार्यसमिति चयन गरेको छ।

नवनिर्वाचित कार्यसमितिको अध्यक्षमा नरेश ओली चयन भएका छन्। त्यस्तै, वरिष्ठ उपाध्यक्षमा संखर भुसाल रहनु भएको छ भने उपाध्यक्षहरूमा राम भक्त सापकोटा, गोबिन्द सापकोटा, गोपाल खत्री, लालसा सापकोटा र धिरेन्द्र बहादुर शाही चयन भएका छन्।

सचिवमा सुबिन न्यौपाने चयन हुनु भएको छ भने सह–सचिवमा कपिल आचार्य र बिमल गैरे चयन भएका छन्। कोषाध्यक्षको जिम्मेवारी मदन अधिकारीले सम्हाल्ने भएका छन् भने सह–कोषाध्यक्षमा सिन्धु शर्मा चयन भएकी छिन्।

युवा संयोजकको रूपमा सुजन जंग छेत्री चयन हुनु भएको छ। त्यसैगरी, सदस्यहरूमा सुरज थिङ, सन्दीप भुसाल, सङ्गम जोशी, अर्जुन भुसाल, निकेश वाइबा, चेतन मल्ल, प्रदीप कुँवर, चुणामणि खड्का, रबिना मगर, सुधाम्स थापा, सबिन सापकोटा (सांस्कृतिक सह–संयोजक) र काजल गुरुङ (सांस्कृतिक संयोजक) चयन भएका छन्।

संस्थाले आगामी कार्यकालमा प्रवासी नेपालीहरूको हकहित संरक्षण, नेपाली भाषा, कला र संस्कृतिको प्रवर्द्धन, आपसी एकता र सहयोगलाई मजबुत पार्ने उद्देश्यका साथ विभिन्न सामाजिक, सांस्कृतिक तथा खेलकुद कार्यक्रमहरू सञ्चालन गर्ने जनाएको छ।

नेतृत्व टोलीले क्योटो क्षेत्रमा रहेका सम्पूर्ण नेपाली समुदायलाई संस्थाको गतिविधिमा सक्रिय सहभागिता जनाउन र सहकार्य गर्न आह्वान गरेको छ।