काठमाडौं
सवारी चालक अनुमति पत्र (ड्राइभिङ लाइसेन्स) का लागि असोज दोस्रो सातादेखि नयाँ आवेदन खुल्ने भएको छ। कोरोनाका कारण बन्द भएको आवेदन पाँच महिनापछि नयाँ आवेदन खुलाउने तयारी गरेको यातायात व्यवस्था विभागले जनाएको छ।स्रोतका अनुसार असोज दोस्रो साताबाट नयाँ आवेदन भर्न सकिने छ।

पहिले जस्तो सामान्य गल्ती गर्दा पनि अब फेल हुनु नपर्ने व्यवस्था कार्यविधिमा छ। प्राविधिक पक्ष सम्बन्धी सामान्य व्यवहारिक ज्ञानका विषय समेटेर पूर्णाङ्क १०० रहने गरी चाररचार अंकका जम्मा २५ वटा वस्तुगत प्रश्नहरू सोधिने छन्।

लिखितमा न्यूनतम ६० अंक ल्याएमा उत्तिर्ण हुने र प्रयोगात्मकमा १०० पूर्णाङ्क रहेकोमा ७० ल्याएमा पास हुने कार्यविधिमा उल्लेख छ। विभागले यो निर्देशिका देशैभरि लागू भइसकेको जनाएको छ।